Aviso Aviso
Koronabirusari aurre egiteko pixkanaka hartzen ari diren neurriak direla eta, programatutako ekintza eta jarduera asko aldatu edo bertan behera uzten ari dira. Beraz, atarian argitaratutako edozein eduki egiaztatzea gomendatzen dugu.
KoronabirusaNafarroa-ri buruzko azken berriak jarrai ditzakezu web atari honetan: http://koronabirusa.nafarroa.eus
Ikusi eta egin

Orbaibar eta erromanikoa

Multzo historikoak

Multimedia

Orbaibar eta erromanikoa - San Pedro Ad Vincula. Olóriz
icono pie de fotoSan Pedro Ad Vincula. Olóriz
Orbaibar eta erromanikoa - Cripta Iglesia San Martín. Orisoain
icono pie de fotoCripta Iglesia San Martín. Orisoain
Orbaibar eta erromanikoa - Ermita de Catalain. Garinoain
icono pie de fotoErmita de Catalain. Garinoain
Orbaibar eta erromanikoa - Hórreo de Iracheta
icono pie de fotoHórreo de Iracheta
Argazki guztiak ikusi
San Pedro Ad Vincula. Olóriz Orbaibar Nafarroako Erdialdean dago, Iruñetik oso hurbil. Ibar lasaia da, eta erromanikoaren harribitxiek inguraturik dago, besteak beste: Orisoaingo kripta, San Pedro ad Víncula eta Katalaingo Kristo Santua baselizak eta Iratxetako garaia.

Orbaibarren gauza anitz aurkituko dituzu: Europan dagoen harraparien dentsitaterik handienetariko bat, basurdeak, mikologia ibilbideak eta gozamenari oparitzeko altxorrak, boilurra, esaterako. Ikuspegi panoramikoak gogoko badituzu, Gerindako parke eolikora igo, eta bisitatu zaharberritu duten antzinako haize errota, 90eko hamarkadaren bukaeran eraikitako egungo errota izugarriak ondoan dituena. Europako parke eolikorik handiena da, eta hura egin zenean eraiki ziren haize errota horiek.

Orbaibarrek hogei bat herri txiki eta etxe multzo ditu, ondoko udal barrutietan bildurik: Barasoain, Garinoain, Leotz, Oloritz, Orisoain, Puiu eta Untzue.

Pirinioaurreko Nafarroaren eta Erdialdeko leku idorren arteko mikroklimak eta trantsizio bazterrak dituenez, paisaiei dagokienez, oso interesgarria da ibarra. Han, arteak, haritzak, pagoak, basoko loreak, zizak eta galsoroak daude. Horrez gain, giro lasaia eta isiltasun handia dago, herriko giroa gure bizitzen protagonista nagusia zen garaietara eramanen gaituena. Kalandriak eta saiak ikusteko aukera izanen duzu, eta, beharbada, basurdeak, azeriak eta azkonarrak, baita harrapariak ere, arrano beltza, miruak eta mirotz urdinak, besteak beste.

Historiaren joan-etorriak ere antzematen dira Orbaibarren: Erdi Aroko ordenek eta ibiltariek Donejakue bidera doan adar bat marraztu zuten ibarrean. Orbaibarren ere Katalaingo Kristo Santuaren baseliza dago, XII. mendearen erdialdean eraikia eta aski ezaguna, atari ederra duelako.

Orisoainen, berriz, San Martin parrokia dugu, eta aldarearen azpiko kripta erromanikoa nabarmentzen da elizan. Handik oso hurbil, Iratxeta herriaren erdialdean bertan, garai erromaniko bat dago, ezin hobeki zaindua. Harlanduak erabili ziren eraikitzeko, eta harrizko eskailera bat du barnera sartzeko. Halaber, eraikin zibil ederrak daude Barasoainen, Oloritzen eta Puiun.

Ibarreko herri guztiak lotzen dituzten errepide estuetan barnako ibilbideak gozatuko dituzu Orbaibarren. Era berean, hainbat herritan gurutzeak daude, Orisoain, Santsomain edo Benegorrin, esaterako. Leotzeko barrutian dagoen Gerindako parke eolikora igotzera animatzen bazara, Nafarroako Erdialdearen eta Erriberaren gaineko behatoki izugarri bat aurkituko duzu han.

Azken teknologiako 199 aerosorgailu jarri ondoren, irin errota berezi bat eraiki zen han, haize errota. 6 metro baino zertxobait gehiago ditu errotaren diametroak. 1996an aurkitu ziren hondakinen gainean berreraiki zen errota. Funtzionatzeko moduan dago egun.

Abenduan, Nafarroako Boilurraren Azoka egiten da urtero. Espainia osoko sukaldariek eta gastronomiako adituek parte hartzen dute ekitaldian.

Leozko udal barrutian, Orbaibar Barrutia dago. 6.500 hektareako azalera du, eta horren erdian, gutxi gorabehera, ehizatzen ahal da. Natur erreserba handiak ditu, eta ehiza kontrolatuko barruti nazional handiena da.

Kokapena

Bisita gidatua

Bisitaren prezioa: 3 €

Enpresa kudeatzailea: Servicios Administrativos de Valdorba 948 720 500 y 626 153 809,   www.valdorba.org, esther@navarramedia.org

 

Ordutegi, data eta prezio orientagarriak. Entitate arduradunarekin baieztatzea aholkatzen da

Inprimatzeko fitxa

Informazio praktikoa